महत्वपूर्ण सूचना

महत्वपूर्ण सूचना

हाल पोल्याण्डमा अवैध आप्रवासन तथा कागजात सम्बन्धी नियमहरू झन् कडा बनिरहेका छन्। पोलिश प्रहरी र सीमा सुरक्षा निकायहरूले देशभरि छापा मार्ने, बसोबासको ठेगाना जाँच गर्ने र कागजातको अवस्थाबारे कडाइका साथ निरीक्षण गर्ने कार्य तीव्र बनाएका छन्।

हालै मात्र 26,000 भन्दा बढी प्रहरी र 1,000 सीमा सुरक्षा अधिकारीहरू परिचालित भई देशव्यापी रुपमा चेकिङ गरिएको थियो। 32,000+ स्थानहरूमा जाँच गरिँदा, 1,474 जना पक्राउ परेका छन्, जसमा 398 जना विदेशी नागरिकहरूलाई पोल्याण्ड छोड्न आदेश दिइएको छ।

यस परिस्थितिलाई ध्यानमा राख्दै, पोल्याण्डमा रहनु भएका सबै नेपाली दाजुभाइ तथा दिदीबहिनीहरूलाई निम्न कुरामा विशेष सतर्कता अपनाउन अनुरोध गरिन्छ:

 वैध कागजातहरू सधैं साथमा राख्नुहोस्।

 भिसा वा निवास अनुमति (कार्ड) समयमै नविकरण गर्नुहोस्।

 अवैध आप्रवासन गतिविधिमा संलग्न नहुनुहोस्।

 प्रहरी वा सम्बन्धित निकायको जाँचमा सहकार्य गर्नुहोस्।

 कुनै समस्या परेमा वा थप जानकारीका लागि एनआरएनए पोल्याण्डसँग सम्पर्क गर्नुहोस्।

अत: आवश्यक सतर्कता अपनाई, कानुनी रूपमा सुरक्षित बसोबास गर्न अनुरोध गर्दछौं।