नेपालदेखि पोल्यान्ड आफ्नो परिवार(श्रीमान्/श्रीमती/छोराछोरी) लाई बोलाउन के गर्नुपर्छ?विस्तृत जानकारी

Dependent Visa र Family Union भिसा के हो? के फरक छ?

पोल्याण्डमा बस्ने विदेशी नागरिक हरु अर्थात् आप्रवासी हरुको परिवार मेलमिलाप को लागि पोल्यान्ड सरकारले परिवार एकीकरण भिसा जारी गर्ने गर्छ जसलाई पोलिस भाषामा 'Pobyt z Rodziną' 'Połączenia się z rodziną' अर्थात् Family unification/ Stay with Family विभिन्न नाम बाट बुझ्न सकिन्छ। तर हामीले साधारण भाषामा Dependent Visa भनेर बुझ्दै आएका छौ तर जुन कानुनतह अलिकति फरक छ।

Dependent visa अन्तर्गत २ किसिमको भिसा हुने गर्छ

१. Invitation/ Zaproszenie

आफ्नो परिवार को व्यक्ति जसलाई केही छोटो समय को भेटघाट को लागि बोलाइन्छ जसलाई Invitation अर्थात् Zaproszenie भनिन्छ यसलाई Dependent visa अन्तर्गत राखिएको छ किनकि त्यस भिजा मा आउने व्यक्तिले काम गर्न पाउँदैन त्यसैले Dependent भनिएको हो।

२. Family Unification/ Family Reunion / Pobyt z rodziną

यस भिसामा आउनेले बिना Work Permit स्वतन्त्र रूपमा काम गर्न पाउनु हुन्छ अर्थात् पोल्यान्डको Labour Market मा प्रत्यक्ष अधिकार रहन्छ। त्यसैले नेपाल देखि हामीले आफ्नो श्रीमान/ श्रीमती/ बच्चा जाे बोलाउँछौं उनीहरू पोल्याण्डमा रहने व्यक्तिको Dependent मा आउने हो तर purpose of stay, family union हो। त्यसैले पहिले नै यहाँको इमिग्रेसन अफिस ले decision जारी गर्ने गर्छ।

Family union प्रकिया कति लामो हुन्छ? (Pobyt z rodziną)

सर्वप्रथम त हजुर विवाहित भएको हुनु पर्यो जुन नेपालमा प्रचलित कानुन बमोजिम हुनु आवश्यक छ र हजुर पोल्यान्ड बसेको ३ वर्ष भन्दा बढी हुनु पर्छ अर्थात् दोस्रो TRC कार्ड भएको हुनु पर्छ र कार्डको म्याद कम्तीमा एक वर्ष बाँकी रहेको हुनु पर्छ। अनि मात्र हजुर यस प्रक्रियाको लागि eligible अर्थात् योग्य हुनु हुनेछ।

प्रकिया भन्नु पर्दा निवेदकको पासपोर्ट संगै नेपालको विवाह दर्ता (इंग्लिस मा बनाइएको हुनुपर्छ) नेपाल पर राष्ट्र मन्त्रालय र पोल्यान्डको एम्बेसी दिल्ली बाट प्रमाणित गरि यहाँबाट पोलिस भाषामा ट्रान्सलेट गरेपछि अरु डकुमेन्ट संगै इमिग्रेसन अफिसमा Stay decision को लागि एप्लाई गरिन्छ यति गर्दा सम्म १ देखि २ महिना जान सक्छ । दिल्ली एम्बेसी देखि भेरीफाइ गर्न आफू जान नमिले अन्य व्यक्तिलाई पनि पठाउन सकिन्छ तर Power of attorney दिएको हुनु पर्छ।

(Application form यहाँ क्लिक गरी download गर्नुहोस्)

यसरी यहाँ एप्लाई गरेको दिन देखि ३ महिना मा decision दिनु पर्ने हुन्छ तर कहिले काँही ४/५ महिना लगाउन पनि सक्छ। Decision आएपछि अन्य डकुमेन्ट संगै decision नेपाल पठाउने र दिल्ली एम्बेसी मा डकुमेन्ट बुझाउने यसो गर्दा १५ दिन देखि १महिना लाग्छ र डकुमेन्ट बुझाएको ५ दिन देखि १०/१२ दिनमा पासपोर्ट कलेक्सन को लागि बोलाउँछ। यसरी प्रक्रिया सुरु गरेदेखि भिसा लागुन्जेल सम्म ५/६ महिना वा बढी पनि लाग्न सक्छ।

पोल्याण्डमा एप्लाई गर्दा चाईने डकुमेन्ट के के हुन?

नेपाल बाट चाइने डकुमेन्ट (पोल्याण्डमा एप्लाई गर्नु अघि)

नेपाल देखि निवेदकको तर्फ बाट निम्न डकुमेन्टहरु आवश्यक हुन्छ।

१. विवाह दर्ताको प्रमाणपत्र इंग्लिस भाषामा अनुवाद गरिएको जुन परराष्ट्र मन्त्रालय र दिल्ली स्थित पोलिस एम्बेसी बाट प्रमाणित हुनुपर्छ। (पुनश्च: नेपाली परम्परागत विवाह हो भने जिल्ला बाट प्रमाणित गरेपछि मात्र परराष्ट्र ले प्रमाणित गर्छ। अदालत बाट गरेको हो भने किताब खाना बबरमहल बाट इंग्लिस भाषामा अनुवाद गरेपछि परराष्ट्र मन्त्रालय ले सिधै प्रमाणित गर्दछ।)

२. निवेदक को ४ ओटा पासपोर्ट साइजको फोटो (जसमा ७०% भाग अनुहार देखिएको हुनु पर्छ)

३. पोल्याण्डमा निवेदकको तर्फबाट कसले एप्लाई गरिदिने हो ( उदाहरण: lawyer/ husband/ wife (बुबा आमा- बच्चाको केसमा ) उसको लागि power of attorney दिएको हस्ताक्षरसहीत को पेपर + बच्चाको केसमा जन्म दर्ताको प्रमाणपत्र महत्वपूर्ण रहन्छ)

४. निवेदकको पासपोर्ट कपी - Delhi स्थित पोल्यान्डको दूतावास बाट प्रमाणित गरिएको ( पासपोर्ट र विवाह दर्ताको प्रमाणपत्र एकैपटक संगै प्रमाणित गर्दा सजिलो हुन्छ)

पोल्यान्डमा चाइने डकुमेन्ट ( पोल्याण्डमा एप्लाई गर्नु अघि)

१. बोलाउने व्यक्तिको पासपोर्ट + कपी

२. एप्लिकेसन फर्म - पूर्णरुपमा भरिएको

३. बोलाउने व्यक्तिको २ ओटा TRC कार्ड+ कपी

४. बोलाउने व्यक्तिको २ ओटा TRC कार्ड को decision paper+ कपी

५. बोलाउने व्यक्तिको Work Permit + कपी

६. बोलाउने व्यक्तिको Work Contract + कपी ( कन्ट्रयाक्टमा न्युनतम तलब पोलिस सरकार तोके बमोजिम हुनु पर्छ, जसले सजिलै घर भाडा र बस्ने खर्च पूरा भएको देखिनु पर्ने हुन्छ - उदाहरण को लागि २०२२ सालको लागि न्यूनतम तलब ३०१० जुलोटि रहेको छ)

७. बोलाउने व्यक्तिको अन्तिम ३ महिनाको Zus RCA तिरेको पेपर + confirmation पेपर

८. निवेदकको Zus system मा रजिष्ट्रेशन गरेको प्रमाणपत्र - ZUS ZCNA

(Zus संग सम्बन्धित डकुमेन्ट कामदारको अनुरोधमा कम्पनीले प्रदान गर्दछ।)

९. PIT - 37 + copy

१०. Accomodation पेपर (house contract) बोलाउने व्यक्ति + निवेदक दुवै जनाको लागि दुवैको नाम मा कन्ट्रयाक्ट भएको हुनु पर्छ जुन कम्तीमा ३ महिना म्याद रहेको हुनुपर्छ।

११. Stamp Duty Fee तिरेको paper (३५० जुलोटी (यो लेख तयार पार्दा) - इमिग्रेसन अफिस को बैंक खाता मा अनलाईन बाट तिर्न सकिन्छ वा अफिस मै पनि तिर्न सकिन्छ। )

१२. निवेदक र बोलाउने व्यक्तिको सम्बन्ध खुल्ने फोटोहरु ( उदाहरण को लागि- श्रीमान श्रीमती को हकमा विवाह गर्दाका फोटोहरु, हर दिन कल गरेको प्रमाण हरु, संगै समय बिताउँदा का फोटोहरु, भिडियो कल गर्दाका screenshot हरु आदि कलरमा प्रिन्ट गरी बुझाउने)

१३. निवेदकको लागि पोल्यान्डको स्वास्थ्य बीमा गरेको प्रमाणपत्र ( ३ महिनाको लागि)

माथि उल्लेखित डकुमेन्ट हरु जम्मा गरि आफू नजिक रहेको इमिग्रेसन अफिसमा गई एप्लाई गर्न सक्नु हुन्छ।

Decision आइसकेपछि के गर्ने?

Decision आइसकेपछि यहाँ बाट प्राप्त भएको decision पेपर संगै निम्न डकुमेन्ट तयार गर्नु पर्छ।

(नोट: यी डकुमेन्ट additional हुन, compulsory होइनन्। त्यसकारण यी डकुमेन्ट नभएमा पनि फरक पर्दैन, पछि इम्बेसी ले मागेको खण्डमा पठाउँदा पनि हुन्छ)

१. बैंक ब्यालेन्स १५/२० हजार जुलोती (balance sheet) भए पनि हुन्छ।

Or

२. Salary Statement

Nepal बाट बनाउनु पर्ने डकुमेन्ट ( Compulsory documents)

१. ट्राभल इन्स्योरेन्स ( पोल्यान्डको वा भारतको इन्स्योरेन्स लाई मात्र मान्यता दिन्छ। ६ महिना देखि १ वर्ष सम्म को भए हुन्छ)

२. Flight Itinerary (नेपाल देखि पोल्यान्ड सम्मको टिकट बुकिङ)

३. भिसा एप्लिकेशन फर्म (अनलाइन भरेको हुनुपर्छ - पेन ले लेखेकोलाई मान्यता दिँदैन)

४. कभर लेटर (निवेदकले आफ्नो परिचय खुल्ने गरी किन अनि कहिले पोल्यान्ड जान लागेको भन्ने विषयलाई समेटेर लेख्नु पर्छ।)

५. एम्बेसी शुल्क तिरेको रसिद ( एम्बेसी वा VFS बाट बुझाउन सकिन्छ)

नोट: Intended Date of Flight, Travel insurance start Date, Flight Date (flight टिकट मा) यी तीन ओटा date एउटै दिन मा हुनु अत्यन्त जरुरी हुन्छ नत्र भिसा रिजेक्ट हुन्छ। उदाहरण को लागि हजुर जुलाई १० तारिक पोल्यान्ड जाँदै हुनुहुन्छ भन्ने मानी १० तारिक को दिन टिकट बुकिङ हुनु पर्यो, इन्स्योरेन्स पनि त्यही १० तारिक देखि नै सुरु हुनु पर्यो अनि एप्लिकेशन फर्म मा Intended date पनि १० तारिक नै हुनु पर्यो।

समग्रमा अब एम्बेसी यी डकुमेन्ट हरु बुझाउनु पर्यो।

१. निवेदक को पासपोर्ट ओरिजिनल+ कपी + कभर लेटर+ शुल्क तिरेको रसिद

२. भिसा एप्लिकेशन फर्म

३. ४ ओटा पासपोर्ट साइजको फोटो

४. निवेदक को Decision पेपर original+ कपी

४. पोल्यान्ड निवेदकको पासपोर्ट कपी

५. TRC कार्ड कपी

६. पोल्यान्ड निवेदकको decision पेपर को कपी

७. हाउस कन्ट्रयाक्ट

८. Salary Statement or bank balance

९. Insurance पेपर

१०. Ticket itinery

११. विवाह दर्ताको प्रमाणपत्र (English+ Polish)

१२. चेकलिस्ट

माथि उल्लेखित डकुमेन्ट बुझाएको ५ दिन देखि प्राय १०/१२ दिन सम्म मा पासपोर्ट कलेक्सन को लागि ईमेल आउने गर्छ त्यसपश्चात पासपोर्ट रिसिभ गरी नेपाल देखि पोल्यान्ड सम्मको टिकट लिई पोल्यान्डको यात्रा तय गरी आफ्नो परिवार सँग सँगै बस्ने सपना साकार पार्न सक्नु हुनेछ।

थप जानकारीको यस लिंक बाट पाउन सक्नु हुन्छ, साथै एप्लिकेशन फर्म पनि डाउनलोड गर्न सक्नुहुन्छ।

https://www.gov.pl/web/uw-mazowiecki/pobyt-z-rodzina

VFS अफिस दिल्ली, तलको लिंक बाट appointment लिन सक्नु हुन्छ।

https://visa.vfsglobal.com/ind/en/pol/

पुनश्चः यस लेख पोलिस सरकारका विभिन्न वेबसाइट स्रोतहरुबाट जानकारी लिई साथै आप्रवासी कानुन संग काम गर्ने वकिलको सल्लाहमा तयार पारिएको हो।

सम्पादन: विबेक पौड्याल

+48579239216

#dependentvisapoland #familyunionvisapoland #nepaleselivinginpoland #nrnapoland